Димаш Құдайберген Қытайда продюсер ретіндегі алғашқы марапатқа ие болды, – деп хабарлайды aqshamnews.kz тілшісі dimashnews.com сайтына сілтеме жасап.
11 сәуірде Қытайдың Макао қаласындағы Venetian Macao Arena-да 2026 Weibo Gala салтанатты кеші өтті. Ауқымды шарада әлемдік деңгейдегі жұлдыздар жиналып, кештің музыкалық бағдарламасына Димаш Құдайберген де қатысты.
Салтанатты кеш барысында қазақстандық әншіге продюсер ретіндегі тұңғыш марапаты табысталды. Weibo Macau China ұйымы оны «Халықаралық мәдени алмасуға қосқан үлесі үшін» сыйлығымен марапаттады.
Айта кетейік, Димаш Құдайберген 1994 жылы 24 мамырда Ақтөбе қаласында дүниеге келген. Ол – белгілі өнер иелері Қанат Айтбаев пен Светлана Айтбаеваның ұлы. Әнші халықаралық байқауларда топ жарып, әлемдік деңгейде танылды.
Еске салайық, бұған дейін Димаш Құдайбергенге «Қазақстанның халық әртісі» атағы берілген болатын.