«Адырна» ұлттық порталының жыл сайынғы дәстүрлі байқауының 2025 жылғы қорытындысы жарияланды, - деп хабарлайды Aqshamnews.kz тілшісі.
Adyrna.kz телеграм арнасында өткізілген ресми дауыс беру нәтижесі бойынша ең көп дауыс жинаған Алматы қаласының әкімі Дархан Сатыбалды жылдың ең үздік мегаполис әкімі атанды.
Дархан Сатыбалды туралы не белгілі?
1974 жылы 26 наурызда Оңтүстік Қазақстан облысында дүниеге келген. Сәкен Сейфуллин атындағы Ақмола ауылшаруашылық институтының (1996 жыл) және Қазақ гуманитарлық-заң университетінің (2003 жыл) түлегі.
Мамандығы бойынша экономист-менеджер, заңгер. Экономика ғылымдарының кандидаты.
Мансап
1996-2000 жылдары – коммерциялық ұйымдарда бухгалтер және экономист болып жұмыс істеген.
2000-2002 жылдары – Қазақстан Республикасы Қаржы министрлігі Бюджет рәсімдерінің орындалуын бақылау басқармасында жетекші, бас бақылаушы-аудитор қызметтерін атқарған.
2002-2006 жылдары – Қазақстан Республикасы Президенті Әкімшілігінің Іс басқармасында референт, кеңесші, бас сарапшы және сектор меңгерушісі болған.
2006-2007 жылдары – Астана қаласы әкімдігінің «Жылу» МКК директоры.
2007-2010 жылдары – ҚР Білім және ғылым министрлігінің бюджет департаменті және қаржы департаменті басшысының орынбасары. Сондай-ақ, Ғылым комитеті төрағасының орынбасары.
2010-2011 жылдары – ҚР Ұлттық қауіпсіздік комитеті департаментінің басшысы.
2011-2013 жылдары – ҚР Премьер-Министрі Кеңсесінің әлеуметтік-экономикалық бөлім басшысының орынбасары.
2013-2015 жылдары – Шымкент қаласының әкімі.
2015-2017 жылдары – Оңтүстік Қазақстан облысы әкімінің бірінші орынбасары.
2018-2019 жылдары – Қазақстан Республикасы Парламенті Сенатының депутаты.
2019-2022 жылдары – Қазақстан Республикасының Өзбекстандағы Төтенше және Өкілетті Елшісі.
2022-2025 жылдары – Түркістан облысының әкімі.
2025 жылы қаңтардан мамырға дейін – ҚР Президенті Әкімшілігі Басшысының бірінші орынбасары.
2025 жылы мамырдан бастап – Алматы қаласының әкімі.
Марапаттары:
«Парасат», «Құрмет» ордендерімен және «Ерен еңбегі үшін» медалімен марапатталған.