Алматы қаласының мамандандырылған ауданаралық тергеу соты Дана Орманбаеваны Қазақстан Республикасының Қылмыстық кодексінің 174-бабы («Әлеуметтік, ұлттық, рулық, нәсілдік немесе діни араздықты қоздыру») бойынша халықаралық іздеуге жариялады. Бұл туралы Aqshamnews.kz сайты хабарлайды.
2024 жылдың сәуірінде Орманбаева Instagram-да өзге этнос өкілдерін қорлайтын мәлімдемелер жасаған. Бұл әрекеті қоғамда үлкен резонанс тудырды. Құқық қорғау органдары оның елден тыс жерде болуы мүмкін екенін айтады.
174-бап бойынша күдіктінің кінәсі дәлелденсе, оған 5 жылдан 10 жылға дейін бас бостандығынан айыру жазасы қарастырылған.