КВИ-ден екпе алған қала тұрғындары көрсетілген уақытта барулары тиіс.
Car city сауда үйінде 12 маусым күні сағат 10.00-де коронавирусқа қарсы екпе алғандар арасында бағалы сыйлықтар ойнатылады, деп хабарлады Almaty-akshamy.kz.
Бұл жолы лотерея ұтысына қатысушылар үйге арналған тұрмыстық техника, шағын гаджеттер мен ыдыс-аяқ жинақтарын алады. Бас жүлде – электросамокат.
Айта кетерлігі, бұған дейін Car city-де лотерея ұтыстары өткізілді, оны ұйымдастырушылар – кәсіпкерлер, сауда үйін жалға алушылар. Лотерея ұтыстарын ұйымдастырып, олар қала тұрғындарын вакцинаға ынталандыруда.
Еске салсақ, 10 маусымдағы жағдай бойынша Алматыда 329 671 адам вакцина алды. Қалада медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да 211 вакцина пункттері жұмыс істейді (250-ге дейін ұлғайту мүмкіндігімен). 1 257 адамнан тұратын 304 егу бригадасы бар.