Экс-министрге қатысты тергеу амалдары басталды
Бұрынғы Қорғаныс министрі Мұрат Бектанов ұсталып, уақытша ұстау изоляторына қамалды, деп хабарлайды Almaty-akshamy.kz ҚазАқпаратқа сілтеме жасап.
«2022 жылғы 19 ақпанда Бас прокуратура бұрынғы Қорғаныс министрі Мұрат Кәрібайұлы Бектановқа қатысты Қазақстан Республикасы Қылмыстық кодексінің 452-бабы әрекетсіздік фактісі бойынша сотқа дейінгі тергеп-тексеруді бастады», - деп жазылған ҚР Бас Прокуратурасының хабарламасында.
Бас прокуратураның мәліметінше, 2022 жылғы 20 ақпанда М. К. Бектанов осы қылмысты жасады деген күдікпен ұсталып, уақытша ұстау изоляторына қамалды.
«Өзге ақпарат тергеу мүддесінде жария етуге жатпайды», - дейді Бас Прокуратураның баспасөз қызметі.