Ауқымды антициклон әсерінен жауын-шашынсыз ауа райы сақталады.
"Қазгидромет" синоптиктері 15 қаңтарға арналған ауа райы болжамын жариялады, деп хабарлайды Аlmaty-akshamy.kz
Қазақстан аумағының басым бөлігіне әлі де ауқымды антициклон әсерінен жауын-шашынсыз ауа райы сақталады.
Республиканың шығысында, солтүстігінде, орталығында атмосфералық фронттарға байланысты қар жауады, жаяу бұрқасын соғып, жел күшейеді.
Тек республиканың оңтүстігінде тұман түседі.
Түнде Жетісу облысының солтүстігінде, таулы аудандарында 31-36 градус өте қатты аяз сақталады.
Алматы, Жамбыл облыстарының солтүстігінде, таулы аудандарында 30-32 градус қатты аяз болады.