Коронавирус. Әлемдегі ахуал қандай?
Covid-19 таралуына жол бермеу жөніндегі ВАК коронавирустың әлемдегі ахуалы турала ақпаратты жариялады, деп хабарлайды Almaty-akshamy.kz.
Рио-де-Жанейро мен Сан-Паулудағы самба мектептерінің дәстүрлі карнавалдық шеруі коронавирустың омикрон штамының таралуына байланысты сәуірге ауыстырылды. Шешімді елдің екі ірі мегаполисінің мэрлері Эдуард Прайс пен Рикардо Нунес бірлесіп қабылдады.
Грин-пассасыз Италия тұрғындары тек дәріханаларға, азық-түлік дүкендеріне және үй жануарларына арналған дүкендерге бара алады. 1 ақпаннан бастап коронавирусқа тесттің теріс нәтижесі негізінде алынған ковид-сертификат банктердің бөлімшелеріне, пошта мен мемлекеттік мекемелердің кеңселеріне бару үшін қажет болады. Сондай-ақ ақпан айынан бастап билік 50 жастан асқан адамдарға міндетті вакцинация енгізеді.
Чехия құрамасының алты хоккейшісі Олимпиадаға дайындық кезінде коронавирус жұқтырды. Ауру ойыншылардың есімдері жарияланбайды. Команданың жаттықтырушысы Филип Пешан вирус жұқтырған спортшылар дереу оқшауланғандығын мәлімдеді.