Қарағанды облысында көпшілікті алаңдатқан оқиға болды
Нұра ауданында жергілікті фермер өзгенің үйір жылқысын атып, 14 бас малды қырып тастаған, - деп хабарлайды Aqshamnews.kz.
Оқиға Заречное ауылы маңында болған. Тұрғындар даладан оқ тиіп, қырылып жатқан жылқыларды көріп, бірден хабар берген. Алдын ала мәліметке сәйкес, 17 жылқыға оқ тиген, оның 14-і оқиға орнында мерт болған, ал үшеуі ауыр жараланған.
Куәгерлердің айтуынша, оқ атқан адам - сол ауылда тұратын фермер. Ол өз жайылымына кіріп кеткен жылқыларды көлікпен қуып жүріп, бірнеше рет оқ атқан. Қанды әрекетінен кейін күдікті оқиға орнынан із жасырған.
Ауыл тұрғындары оның ірі жер иесі екенін айтып, жауапкершіліктен сытылып кетуі мүмкін деген алаңдаушылық білдіруде.