Менингит — бұл ми мен жұлынның мембраналарына әсер ететін қауіпті ауру.
№21 қалалық емхананың жалпы практика дәрігері Жамбылхан Аяулым Бейбітқызы бұл дерттің белгілері мен қаупі жайлы ескертеді, деп хабарлайды aqshamnews.kz.
"Балаларда менингит өте тез дамып, ауыр жағдайларда мүгедектікке немесе тіпті өлімге әкелуі мүмкін. Ауруды ерте кезеңде тану өте маңызды, өйткені уақытында басталған ем өмірді сақтайды.
Менингиттің пайда болуына вирустар, бактериялар, зеңдер немесе паразиттер себеп болуы мүмкін. Әсіресе қыста және көктемде ауру жиі байқалады. Көбіне ауа тамшылы және тұрмыстық жолмен беріледі",- дейді дәрігер.
Менингит белгілерін ЖРВИ-мен оңай шатастыруға болады: балада жоғары температура, бас ауруы, құсу, мұрыннан су ағу болуы мүмкін. Бірақ ерекше белгілер бар:
* қатты бас ауруы,
* мойын мен көздің ауыруы,
* құрысулар,
* фотофобия,
* денедегі бөртпе (менингококцемия кезінде),
* нәрестелерде-монотонды жылау, тамақтан бас тарту, әлсіздік.
Кейде ауру тез басталады және қысқа мерзімді жақсарғаннан кейін жағдай күрт нашарлайды.
Диагнозды тек талдамалар (анализдер) арқылы дәл қоюға болады, сондықтан алғашқы мазасыздық белгілері пайда болған кезде дереу дәрігердің қабылдауына бару керек.
Менингит антибиотиктермен емделеді, бірақ бастысы — уақытты жіберіп алмау.
Өзіңізді және балаларыңызды қорғау үшін:
* қолыңызды жуыңыз,
* көкөністер мен жемістерді жақсы өңдеңіз,
* тек қайнатылған немесе бөтелкедегі суды ішіңіз,
* суық мезгілде адамдар көп жиналатын жерлерден аулақ болыңыз,
* бөлмелерді желдетіңіз.