Алматы қаласының ҚАЖ департаментіне қарасты №11 мекемесінде тәрбие жұмысын нығайтуға байланысты семинар өтті, деп хабарлайды aqshamnews.kz
Алматы қаласы Қоғамдық даму басқармасының қолдауымен, «Social project management» қоғамдық қорының директоры, жоба жетекшісі Бейбіт Нәлібаевтің ұйымдастырумен болған «Бас бостандығынан айыру орынан шыққан адамды әлеуметтік бейімдеуге бағытталған жоба» аясындағы психоәлеуметтік тренингтің жеткіншектерге берері бар дейді сарапшылар.
– Біз бас бостандығынан айырылып, жазасын өтеп жатқан жасөспірімдерге ертеңгі күні бостандыққа шыққаннан кейін тығырыққа тіреліп, қоғамнан алшақтап қалмауы үшін не істеу керектігін айтамыз, алдағы жақсы күндерден үміт үзбеуге шақырамыз. Оларға "сотты болу – соңғы үкім емес" екенін түсіндіріп, олардың да осынау өмірден өз орнын таба алатынына сендіріп, ішкі мотивациясын көтергіміз келеді, – дейді қоғамдық қордың жоба үйлестірушісі Бекзат Сағындықов.