Австралиялық ғалымдар паркинсонға шалдыққан науқастар үшін жаңа қосымша ойлап тапты

Австралиялық ғалымдар паркинсонға шалдыққан науқастар үшін жаңа қосымша ойлап тапты Сурет: Evercare.ru

«Wallking tall» деп аталатын жоба ем қабылдаушының қимыл-қозғалысын арттырып, жүрісін ширақ етуге мүмкіндік береді.


Әлемде паркинсонға шалдыққан адамдардың саны 10 млн-ға жуықтайды, деп хабарлайды Almaty-akshamy.kz.


 24.kz мәліметтеріне жүгінсек, жер жүзін жайлаған дерт егде жастағыларды ғана емес, жеткіншектерді де өзінің құрбаны ете бастады.


Мартин Островский 7 жылдан бері паркинсонмен күресіп келеді. Асқынған ауру салдарынан соңғы уақытта жүріп-тұруы бәсеңдей түскен.



«Әр күн сайын өзіме қайта жүріп-тұруды үйретемін. Дәрі ағзаға әсер еткенде ғана көшеде дені дұрыс адам ретінде көрінуім мүмкін. Өзгелер айырмашылықты мүлдем байқамас та еді. Ал басқа кезде жағдай тіпті бөлек, әрең қозғаламын. Бағдарламаны қолданғалы жағдайым сәл жақсарған сыңайлы», - деді емделуші Мартин Островкий.



Австралияда 200 мыңнан астам науқаста паркинсон тіркелген. Ал тәулігіне 38 адамда дәл осы дертке диагноз қойылады. Пациенттердің күн санап артуы австралиялық ғалымдарды бей-жай қалдырмады. Оңтүстік Уэлльс университетінің неврологы Мэтью Броди науқастардың жүру қабілетін жақсартуға көмекші бағдарлама ойлап тапты.



«Бағдарламаның ең негізгі функциясы – метрономның ритмін қалыптастырады. Метроном қозғалыс пен жүрісті дауыстап айтып тұратын құрал. Ол нейрондарды белсенді етіп, жүру қабілетін арттыруға мүмкіндік береді», - деді ғалым Мэтью Броди.



Қосымшаны қолданушылар жүру уақыты мен қарқынын белгілеп барып, қозғалысқа кіріседі. Олар осы күні апталық жаттығудың 150 минутын белсенді орындап, жобаның игілігін сезінуде. Жетісіне екі шақырым ғана серуендейтін Островский қосымшаны қолданғалы 30 километрді бағындырып үлгерген.


Қосымша инсульт, тізе-жамбас жарақатын алған науқастардың да кәдесіне жарайды. Тамыз айында іске қосылғалы бері 10 мыңға жуық пайдаланушы тіркеліп үлгерген. Ал қолдану ақысыз әрі әлем бойынша қолжетімді.



Сіздің реакцияңыз?
Ұнату
0
Ұнамайды
0
Күлкілі
0
Шектен шыққан
0
Соңғы жаңалықтар

19:50

19:18

18:42

18:03

17:44

17:28

17:06

16:48

16:46

16:43

16:22

16:08

16:03

15:42

15:28

15:13

15:09

14:50

14:32

14:21

14:13

13:59

12:50

12:24

12:08