Австралияда әйгілі "Крокодил Данди" шытырман оқиғалы комедиясының жұлдызы, Берт есімді алып қолтырауын өмірден озды. Ол 2008 жылдан бері Crocosaurus Cove орталығында өмір сүрген. Бұл жыртқыштың ұзындығы 5,1 метр, ал салмағы 700 килограмнан астам болған.
Мамандардың мәліметінше, бұл ерекше қолтырауын шамамен 100 жыл ғұмыр кешкен.
"Бертің өмірден өткені туралы ауыр хабарды жеткіземіз. "Крокодил Данди" фильмінің жұлдызы өткен демалыс күндері, жасы 90-нан асқанда өмірден озды. Бұл ерекше дәуірдің аяқталғанының белгісі", – деп мәлімдеді орталық өкілдері 2024 жылдың 23 желтоқсанында.
Мамандар Бертің 1980 жылдары Рейнольдс өзенінен ұсталғанын айтты. "Крокодил Данди" фильмінен кейін ол әлемдегі ең танымал бауырымен жорғалаушылардың біріне айналған.
