Қалалық жүрек орталығына "қолқа қақпақшасының сыни стенозы" диагнозы қойылған 83 жастағы науқас жеткізілді. Бұл дертке ентігу, әлсіздік тән, ол өмірге тікелей қауіп төндіруі мүмкін. Жасын және жоғары хирургиялық тәуекелді ескере отырып, аорта клапанын аз инвазивті әдіспен ауыстыру (аорта клапанын транскатетерлік имплантациялау (TAVI) туралы шешім қабылданды.
Ота интервенциялық кардиология бөлімінің меңгерушісі Оразбек Саховтың басшылығымен өтті. Жүрекке қол жеткізу кеуде қуысын ашпай-ақ феморальды артерия арқылы жүзеге асырылды. Тамыр арқылы қолқа қақпақшасының аймағына рентген және эхокардиография бақылауымен жасанды қақпақ жеткізіліп, орнатылады.
Ота барысында науқас өздігінен тыныс алып, хирургтармен тілдесіп, олардың айтқанын орындады. Ота аяқталғаннан кейін әйел бәрі ауыртпалықсыз және бір тыртықсыз өткенін атап өтті. Бірнеше сағат өткен соң палатада ол өздігінен қозғала алды.
Мамандардың айтуынша, TAVI (Transcatheter Aortic Valve Implantation) әдісі егде жастағы науқастарда ауыр жүрек ақауларын емдеудің ең заманауи және жеңіл әдістерінің бірі болып табылады. Бұл ашық ота емес және қалпына келтіру кезеңі едәуір қысқарады.
Науқас кардиоорталық ұжымын жоғары кәсібилігі мен қайтадан еркін тыныс алуға көмектескені үшін алғыс білдірді.