Ауғанстаннан келген студент қыздар Алматыдағы жаңа жылдық концертке жоғары баға берді
Қазіргі уақытта Алматыдағы Астана алаңында өтіп жатқан мегаполистің орталық мерекелік шоуына Ауғанстаннан келген қонақтар да қатысып жатыр. Олар іс-шараның жоғары деңгейде ұйымдастырылғанын айтып, ерекше әсер алғанын жеткізді.
— Безендіруден бастап концерттік бағдарламаға дейін барлығы жан-жақты ойластырылған. Ұйымдастырушылардың тыңғылықты дайындалғаны байқалады. Өте заманауи әрі жастарға қызықты, — деді алматылық жоғары оқу орындарының бірінде білім алып жүрген студент Zohra Pardis.
Ауғанстаннан келген тағы бір қонақ Sama Hamid-тің айтуынша, олар қазақстандық өнерпаздардың өнерін алғаш рет тамашалаған.
— Біз көп суретке түсіп, бейнежазба жасадық. Барлығы өте ұнап жатыр, — деді ол.