Қазақстан әуежайларында қол жүгін тексеруге қатысты жаңа ережелер енгізілді, - деп хабарлайды Аqshamnews.kz тілшісі.
Қазақстан Республикасы Үкіметінің 2025 жылғы 21 тамыздағы қаулысына сәйкес авиациялық қауіпсіздік ережелеріне өзгерістер енгізілді.
Жаңа талаптарға сәйкес, бұдан былай ұшар алдындағы тексеріс кезінде тәркіленген заттар әуежайда сақталмайды. Жолаушыларға тасымалдауға жатпайтын заттарды шығарып салуға келген адамдарға беріп жіберуге кеңес береміз, әйтпесе тәркіленіп, жойылады.
Әуекомпания мына сілтеме бойынша тасымалдауға тыйым салынған заттардың тізімімен алдын ала танысуға кеңес береді.