Қазір сотқа дейінгі тергеу жүргізілуде
«Атырау мұнай өңдеу зауыты» ЖШС-ның бұрынғы бас директоры Шухрат Данбай ұсталды, деп хабарлайды Almaty-akshamy.kz Қаржылық мониторинг агенттігіне сілтеме жасап.
«Агенттіктің Атырау облысы бойынша аумақтық департаменті «Атырау мұнай өңдеу зауыты» ЖШС-ның бұрынғы бас директоры Ш.А. Данбайға қатысты ҚР ҚК-ның 189-бабының 4-бөлімі 2-тармағымен, яғни Атырау МӨЗ-на қажетті құрылғы алуға бөлінген ақша қаражатын жымқыру дерегімен сотқа дейінгі тергеу жүргізілуде. 16 ақпанда Ш.Данбай Қылмыстық-процестік кодекстің 128-бабына сәйкес ұсталып, Атырау қаласы Полиция басқармасының уақытша ұстау изоляторына қамалды», - делінген хабарламада.
Сотқа дейінгі тергеу жүргізілуде, өзге ақпарат Қылмыстық-процестік кодекстің 201-бабына сәйкес жариялануға жатпайды.