Алматы қаласының Медеу ауданының әкімдігінің мұрындық болуымен «Конституция күні» аталып өтілді.
Мерекелік концертке ауданның белгілі азаматтары, әнші биші өнерпаздар, қала тұрғындары мен қонақтары және т.б. қатысты.
Іс-шараның негізгі мақсаты - Қазақстан республикасы Конституциясының қадір-қасиетін қоғам алдына арттыру. Сондай-ақ символикалық мән-мағынасын күшейте түсу болып табылады.
Сонымен қатар концерттік бағдарлама шеңберінде әскери ұландар Мемлекеттік туды сахнаға алып шықты, өнерлі жандар бар өнерлерін ортаға салды, жылы лебіздер айтылды.
«Әуелі баршаңызды ұлық мерекемен құттықтап, баршаңызға табыс, бақыт тілеймін. Ауданымызда бірқатар жандар алғыс хатпен марапатталды. Орталық музейінде балаларға экскурсия ұйымдастырды. Сонымен бірге Ата заңның айбыны асқақтай берсін», - деді Медеу ауданының Мәдениет және тілдерді дамыту бөлімінің басшысы Айдар Айдарбеков.
Аудан жастары да қалыс қалмай мерекелік концертке өз үлесін қосты. Игі тілектерін жеткізді.
«Біздің Ата заңның қабылданғанына 28 жыл толды. Содан бері қоғамдық сананы жаңғыртуда, ел іргесін нығайтуда бар игілігін беріп келеді. Қазақ елінің алар асуы алда болсын», - деді концертті жүргізген Жанғали Маратұлы.