Кеше Астанаға Ресей Премьер-министрі келді.
Бүгін Астанада ТМД-ға қатысушы мемлекеттердің Үкімет басшылары кеңесінің кезекті отырысы өтеді, деп хабарлайды Almaty-akshamy.kz
ҚР Үкіметінің Telegram-каналында хабарланғандай, отырысқа қатысатындар: Қазақстан Премьер-Министрі Әлихан Смайылов, Әзірбайжан Үкіметінің басшысы Али Асадов, Беларусь Премьер-Министрі Роман Головченко, Тәжікстан Үкіметі басшысы Кохир Расулзода, Өзбекстан Премьер-Министрі Абдулла Арипов, Ресей Үкіметінің төрағасы Михаил Мишустин, Қырғызстан Министрлер кабинетінің төрағасы – Президент Әкімшілігінің басшысы Ақылбек Жапаров, Армения Премьер-Министрінің орынбасары Мгер Григорян және Түрікменстан Министрлер кабинеті басшысының орынбасары Ходжамырат Гельдимырадов.
27 қазанда Астанаға Ресей Премьер-министрі Михаил Мишустин келді. Оны ҚР Премьер-Министрі Әлихан Смайылов пен Ресей Федерациясының Қазақстан Республикасындағы Төтенше және Өкілетті Елшісі Алексей Бородавкин қарсы алды.