Астанадағы №5 автобуста жасөспірімдер апаттық балғаларды ұрлап кетпек болды, деп хабарлайды Аqshamnews.kz тілшісі қалалық ПД-ға сілтеме жасап.
Полицияның мәліметінше, қоғамдық көлікпен келе жатқан бір топ жасөспірім автобустың төтенше жағдайдағы шығысына арналған балғаны бекіткішінен шешіп, өздерімен алып кетпек болған. Олардың әрекетін байқаған жүргізуші автобусты тоқтатып, жасөспірімдерді ұстап қалған.
Алайда полиция шақырылған сәтте жасөспірімдердің бірі бұрышты газ баллонын жүргізушінің бетіне шашып, оқиға орнынан қашуға әрекеттенген.
Қалалық полиция департаменті кәмелетке толмағандардың тұлғалары анықталғанын хабарлады.
«Аталған факті бойынша жасөспірімдердің ата-аналары балаларды тәрбиелеу жөніндегі міндеттерін тиісінше орындамағаны үшін жауапкершілікке тартылды», – деп мәлімдеді полиция.
