Астана қаласының Нұра ауданындағы тұрғын үй кешенінде бір ер адам лифт ішінде, екіншісі лифт шахтасында қалып қойды. Оларды шығару үшін құтқарушыларға құралдар қолдануға тура келген, деп хабарлайды Aqshamnews.kz тілшісі.
Қалалық ТЖД мәліметінше, оқиға 4 қарашада сағат 05:11-де болған. Бір тұрғын лифт ішінде қалып қойса, тағы бір адамды механизм қысып қалуы мүмкін деген ақпарат түскен.
Әлеуметтік желіде оқиға орнынан видео да жарияланды.
"Оқиға орнына жеткен жедел-құтқару жасағы қол құралдарының көмегімен лифт есігін ашып, 1994 жылы туған ер адамды шығарды. Сонымен қатар лифті қызметі мамандарымен бірлесіп, 1987 жылы туған ер адамды лифт шахтасынан көтеріп алды. Ол медициналық бригадаға тапсырылды», – деп хабарлады ТЖД.