Алматыдағы Астана алаңында мегаполистің басты жаңа жылдық концерті басталды. Іс-шараның шымылдығын ҚР Еңбек сіңірген артисі Бақыт Шадаева ашып, «Қош келдің, Жаңа жыл» әнін орындады. Сосын тағы бір әнімен көрермендерді әсем әуенге бөледі. Одан кейін сахнада ҚР мәдениет саласының үздігі Тахмина Әшімбекова өнерін паш етті.
Кеш барысында алматылықтар мен қала қонақтарына қазақстандық эстрада жұлдыздары өнер көрсетеді. Олардың қатарында Мақпал Исабекова, Әлішер Кәрімов, Ақылбек Жеменей, Бейбіт Қорған, Дәулет Жанболат, Жұбаныш Жексенұлы, Диана Исмаил, Абай Бегей, Інжу Әнуарбек, Әбік Жексен, Асхат Тарғын, Дәлел Уашев, Мақсат Базарбаев және Дәурен Байбөрі бар.
Сондай-ақ Ringo, Ninety One, Ayree, Astra, Dakelot және Muzart Life топтары да сахна төрінде өнер көрсетіп, жиналған қауымға мерекелік көңіл-күй сыйлайды.