Облыстық полицияның мәліметінше, Хромтау қаласында қылмыстық орта өкілдері шахтерлерді қорқытып, күш көрсетіп, ақша бопсалаған, – деп хабарлайды aqshamnews.kz тілшісі.
Алайда жәбірленушілер бұл туралы құқық қорғау органдарына шағым түсірмеген.
Жедел-іздестіру шаралары барысында күдіктілер толық анықталып, олардың әрекетіне қатысты нақты дәлелдер жиналған. Соның нәтижесінде барлық қатысушыны бір мезетте ұстау операциясы жүргізілді. 20 санкцияланған тінту кезінде ақша мен өзге де айғақ заттар тәркіленді.
Осындай заңсыз әрекет Ақтөбе қаласында да анықталды. Мұнда полиция көңіл көтеру орындарын нысанаға алған бопсалаушылар тобын әшкереледі. Тергеу мәліметіне сәйкес, олар күш көрсету және күзет қызметкерлеріне қысым жасау арқылы заңсыз «қорғау» қызметін күштеп таңып келген.
Қазір қылмыстық топтардың барлық мүшесі ұсталып, уақытша ұстау изоляторына қамалды. Олардың осыған ұқсас өзге де қылмыстарға қатысы бар-жоғы тексеріліп жатыр.
Аталған деректер бойынша бопсалау фактісімен қылмыстық істер қозғалды. Сонымен қатар заңсыз ұстау және бас бостандығынан айыру жайттары бойынша да қосымша тексеру жүргізіліп жатыр.