Мәдениет және спорт министрі Дәурен Абаев режиссер Ақан Сатаевқа "Қазақфильм" АҚ президенті лауазымындағы жылдар бойы қажырлы, ең бастысы жемісті қызметі үшін алғыс білдірді, деп хабарлайды Almaty-akshamy.kz.
Мәдениет және спорт министрлігінің басшысы Facebook желісіндегі парақшасында бүгін, 27 қыркүйекте Ақан Сатаев аты аңызға айналған киностудия – "Қазақфильм" АҚ-ның басшысы қызметінен өз еркімен кеткенін айтты.
«Оның ары қарайғы шығармашылық жолы да кино өнерінің дамуына септігін тигізетін серпінді жобалармен жалғасатынына сенімдімін», - Дәурен Абаев.
Ақан Сатаев "Қазақфильм" АҚ президенті болып 2020 жылдың шілдесінде тағайындалған еді.