Анна Данилина «Ролан Гаррос» турнирін табысты аяқтады, – деп хабарлайды aqshamnews.kz тілшісі.
Қазақстандық теннисші Анна Данилина Францияның ашық чемпионатында жұптық сында финалға дейін жетіп, қомақты сыйақыға ие болды.
Данилина сербиялық Александра Круничпен бірге финалист ретінде 300 000 еуродан (әр ойыншыға) табыс тауып, WTA рейтингінің 1300 ұпайын еншіледі.
Финалда қазақстандық-сербиялық жұп чехиялық Катерина Синякова мен америкалық Тейлор Таунсенд дуэтіне 2:6, 5:7 есебімен есе жіберді.
Айта кетейік, бұл Анна Данилинаның «Үлкен дулыға» турнирлеріндегі финалдағы төртінші жеңілісі болды. Бұған дейін ол 2022 және 2026 жылдардағы Australian Open, сондай-ақ 2025 жылғы Roland Garros турнирлерінің финалында жеңіске жете алмаған еді.
Соған қарамастан, Данилина соңғы жылдары әлемдік жұптық теннистегі ең тұрақты ойыншылардың бірі саналады және қазіргі таңда WTA рейтингінің үздіктері қатарында.