Бұған дейін хабарланғандай, Алматы қаласының Орталық қалалық клиникалық ауруханасында (ОҚКБ) АИТВ жұқтыру жағдайы бойынша комиссия жұмысының қорытындысы шығарылды, деп хабарлайды almaty-akshamy.kz
Эпидемиологиялық ахуалдың жоспарлы мониторингі барысында Алматы қаласының ЖИТС орталығы осы ауруханада емделген АИТВ-ның оң нәтижесі бар 3 пациентті анықтады. Бұл жағдайлар уақтылы анықталды және инфекцияның одан әрі таралуына жол берілмеді, бұл АИТВ-инфекциясын эпидемиологиялық қадағалаудың реттелген және жұмыс істейтін жүйесін көрсетеді.
"ОҚКА-дағы жағдай көрсеткендей, бұл пациенттерді уақтылы тестілеу және регламенттерді сақтау осы жағдайды оқшаулау бойынша іс-шаралар кешенін жүргізуге мүмкіндік берді. Тағы да қайталаймын және Сіздердің назарларыңызға қаланың медициналық мекемелеріндегі инфекциялық қауіпсіздік тұрақты бақылауда және қала тұрғындарына медициналық көмек көрсету кезінде жүйелі қауіп-қатер жоқ екеніне назар аударамын", - деп атап өтті Алматы қаласы Қоғамдық денсаулық сақтау басқармасының басшысы Шаметеков Иран Маратұлы.
Медициналық ұйымдарда пациенттердің барлық санаттары бойынша заңнамада белгіленген санитариялық-эпидемиологиялық қауіпсіздікке қойылатын талаптарға сәйкестігіне ішкі өндірістік бақылау да, СЭБД тарапынан жоспарлы сыртқы бақылау да жүзеге асырылады.
Сонымен қатар, қоғамдық денсаулық сақтау басқармасы санитариялық-эпидемиологиялық бақылау департаменті, Алматы қаласы бойынша Медициналық және фармацевтикалық қызмет сапасын бақылау комитеті департаменті, ЖИТС орталығы, қалалық қан орталығы мамандарының қатысуымен санитариялық-эпидемиологиялық режимді сақтау және инфекциялық бақылау жүргізу бөлігінде қаланың барлық стационарларына кешенді тексеру жүргізді. Қала тұрғындарына медициналық көмек көрсету кезінде жұқтыру қаупі және жүйелі қауіптер жоқ.
Жалпы, 2023 жылдың бірінші жартыжылдығында қала стационарларында 147736 адам медициналық көмек алды, оның ішінде 14650 пациент реанимациялық бөлімшелерге түсті және медициналық көмек көрсету кезінде инфекциялармен жұқтыру прецеденттерінің болмауы басты басымдық халыққа сапалы медициналық қызметтер көрсетуде қауіпсіздік болып табылатын және болып қалатын жүйені көрсетеді.
ОҚКА жағдайында медициналық көмек көрсету алгоритмі сақталды, жүйелі бұзушылықтар болған жоқ. Пациенттердің жұқтыру фактісі адами фактормен, атап айтқанда, орта медициналық персоналдың жекелеген қызметкерлерінің санитариялық–эпидемиологиялық нормаларды бұзуымен байланысты.
Қалыптасқан жағдайды ескере отырып, комиссия қорытындылары негізінде Басқарма шешім қабылдады:
- ҚР Еңбек кодексінің 48 - бабы 2-тармағының 6) тармақшасы негізінде қалалық аурухананың бас дәрігері Н. Б. Табынбаев жұмыстан шеттетілді;
- ҚР Еңбек кодексінің 52-бабы 1-тармағының 16) тармақшасының негізінде эпидемиология бойынша бас дәрігер орынбасары, реанимация меңгерушісі, стационардың бас медбикесі және реанимация бөлімшесінің аға медбикесі теріс себептерімен жұмыстан шығарылды.
Комиссия жұмысының қорытындысы бар анықтама материалдары іс жүргізу шешімін қабылдау және әрбір жауапты тұлғаның жауапкершілік шарасын одан әрі айқындау үшін қалалық Полиция департаментіне жіберілді.