Алматы қаласы әкімінің орынбасары Олжас Смағұлов Индустриялық аймаққа барып, жүзеге асып жатқан инвестициялық жобалардың барысымен танысты.
«Qazaq Prom Stroy» ЖШС зауытының құрылыс алаңында ол жұмыс кестесінің кешеуілдегенін айтып, құрылыс-монтаж жұмыстарын жеделдетуді тапсырды. Сондай-ақ, «TMT Group» компаниясының балық өңдеу зауытының құрылысы бойынша да осындай тапсырма берді.
Сонымен қатар «Severpark», «Капстройгрупп-Т» және «ПромПарк» шағын өнеркәсіптік парктерінің жобалары талқыланды. Жұмысты жеделдету мен заманауи сәулет талаптарын сақтау қажеттілігіне баса назар аударылды.
Әкімнің орынбасары жеңіл және тамақ өнеркәсібінің кәсіпорындары жұмыс істеп жатқан қолданыстағы шағын өндіріс парктерін де аралап көрді.
Бұл жобалардың жүзеге асуы Алматыдағы өнеркәсіп әлеуетін күшейтіп қана қоймай, жаңа жұмыс орындарын ашып, инвестициялық белсенділікті де арттыра түспек.