АЛМАТЫЛЫҚТАР ЖАҢА ЖЫЛДЫ ҚАРСЫ АЛДЫ

Алматылықтар 2025 жылғы жаңа жылды мейрамдатып қарсы алды.

Мерекелік іс-шараға мегаполис тұрғындары мен қала қонақтары қатысты, деп хабарлайды aqshamnews.kz

Биыл күнтізбе бойынша «Жылан жылы» есік ашып кірді. Халқымыздың фольклорлық дүниетанымында молшылық, рухани мәдени, материалдық байлықтың артатын табысты жылы болып саналады.

Алматы қаласы әкімдігінің қолдауымен «Астана алаңы» маңайында мерекелік іс-шаралар легі ұйымдастырылды. Белгілі өнер майталмандары өз өнерлерін ортаға салды. Осылайша жиналған халыққа «Аяз ата» және «Ақшақар» мейрамның көңіл-күйін жеткізді. Сондай-ақ жиналған көпшілік шыршаның жанында суретке түсіріп, музыкалық өлең тыңдап, би билеп, шат-шадыман қуанышқа бөленді.

Орайлы сәтті пайдаланып мерекелік жиынға жиналған жұртшылықтың жақсы ой-пікірін білген болатынбыз.

«Келіп жеткен 2025 жылғы Жылан жылы мол табыс пен бақыт алып келсін. Еліміз өсіп-өніп өркендегей берген. Әлемнің дамыған «G20» сияқты ең дамыған алдыңғы қатарлы державаларына қосыла берсін. Бұйырса алда кәсіпкерлік өркендеп, қаржы көлемі ұлғайып, молшылық жылы болғай», – деді кәсіпкер Амантай КҮНПЕЙІСОВ. 

Сонымен қатар жаңа жылдық тілектерін ағылтып-төгілтіп жеткізетін алматылықтар