Ұшақпен 2025 жылдың 17 тамызында Алматыдан Қазанға ұшып бара жатқанда, жолаушының жағдайы күрт нашарлап, есінен танып қалды. Ер адамның артериялық қысымы 70/30 мм сын. бағ. дейін төмендеп, тамыры әлсіз және әрең сезілетін болды. Жағдай шұғыл медициналық көмек көрсетуді талап етті.
Көмекке Қазаннан келген ультрадыбыстық диагностика дәрігері Наиля Евгеньевна Ровкач және Алматыдан оқуға іссапарға ұшқан Алматы онкологиялық орталығының екі мейірбикесі — Алтынай Туржановна Картабаева және Айдильда Сұлтанбекқызы Конакбаева келді.
Дәрігердің айтуынша, жағдай шұғыл және келісілген әрекеттерді қажет етті.
Ұшақтың шектеулі кеңістігі жағдайында инфузиялық терапия жүргізу қажет болды. Дәл осы жерде Алматы онкологиялық орталығының мейірбикелері— Алтынай Туржанқызы Картабаева мен Айдильда Сұлтанбекқызы Қонақбаеваның көмегі таптырмас көмек болды.
«Қажетсіз сөздерсіз немесе нұсқауларсыз олар бірден жұмысқа кірісті. Олар іс-әрекет алгоритмін және қажетті дәрі-дәрмектерді анық білді. Олардың кәсібилігі мен үйлестіруі мені таң қалдырды. Біз көптен бері бір командада болғандай жұмыс жасадық», - деп атап өтті Наиля Ровкач АОО директоры Нұрсұлтан Избагамбетовке жолдаған хатында.
Төмен қысымға және жүйені ұшақ жағдайында орнатудың қиындығына қарамастан, мейірбикелер тапсырманы сәтті орындады. Олардың әрекетінің арқасында жолаушы есін жиып, шұғыл қонғаннан кейін ол қосымша тексеру үшін медициналық мекемеге жеткізілді.
Оқиға символдық мәнге ие болды: дәл сол күні науқастың туған күні еді. Қазандық дәрігер мен алматылық мейірбикелердің жедел әрекетінің арқасында ер адам «екінші рет өмірге келді».
Қазандық әріптес өз хатында ризашылығын білдіріп, мейірбикелердің кәсібилігін атап өтуді өтінді: «Сіздердің емделушілеріңізде осындай құнды кадрлар барлығын бақыт десе болады. Мен олармен иық тірестіре жұмыс істегім келеді», - деп атап өтті ол.
Алматылық мамандардың жоғары дайындық деңгейі ерекше құрмет пен мойындауға лайық екенін, медицинада шек жоқ екенін тарих тағы да растап отыр.