MEGA Silk Way сауда-ойын-сауық орталығының креативті директоры Азамат Әбелдиев Республика күніне орай жыл сайын ұйымдастырылатын Republic Day жеңілдіктер акциясына орталықтағы кәсіпкерлердің қатысуы туралы айтып берді, – деп хабарлайды aqshamnews.kz тілшісі.
Оның айтуынша, биыл акцияға дүкендермен қатар мейрамханалар да белсенді түрде қосылған. Келушілерге ыңғайлы болу үшін акцияға қатысатын дүкендердің витриналары мен кіреберістеріне арнайы белгілер қойылған. Бұл белгілер келушілерге жеңілдік ұсынатын орындарды оңай табуға көмектеседі.
«Биыл Республика күнін мерекелеу аясында ұйымдастырылған Republic Day акциясына біздің жалға алушыларымыз белсенді қатысты. Бізді көптеген дүкендермен қатар мейрамханалар да қолдады. Көпшілігі бұл бастамаға шын ықыласымен, үлкен ынтамен қосылды. MEGA Silk Way осындай акцияларды жыл сайын қолдап келеді», – деді Азамат Әбелдиев.
Republic Day акциясы қала тұрғындары мен қонақтарына түрлі тауарлар мен қызметтерді жеңілдікпен пайдалануға мүмкіндік береді. Сонымен қатар, бұл бастама кәсіпкерлердің мерекені қолдап, келушілерге тиімді ұсыныстар жасауына жол ашады.