Алматыда көпқабатты үйлердің біріндегі пәтерден есірткі құрамды өсімдіктерді заңсыз өсіру дерегі анықталды, деп хабарлайды Aqshamnews.kz тілшісі Polisia.kz-ке сілтеме жасап.
Түскен ақпаратты тексеру барысында қызметкер пәтерден қолдан жасалған фитозертхананың белгілерін байқаған. Оқиға орнында екі ер адам ұсталды. ІІМ мәліметінше, күдіктілер қарсылық көрсетуге әрекеттенген, оларды арнайы жасақ қызметкері жедел түрде залалсыздандырып, полиция жасағын шақырған.
Оқиға орнына Наурызбай аудандық полиция басқармасының тергеу-жедел тобы келіп, фактіні тіркеп, жабдықтар мен өсімдіктерді тәркіледі. Қазіргі таңда сотқа дейінгі тергеп-тексеру басталды.