Алматыдағы колледжде «Заң және тәртіп» атты профилактикалық дәріс өтті

 5 қараша күні Білім басқармасының қолдауымен Алматы сән және қызмет көрсету саласы колледжінде «Заң және тәртіп» тұжырымдамасы аясындағы профилактикалық дәріс өтті.
Іс-шараны колледж директорының оқу-тәрбие ісі жөніндегі орынбасары Омарова Күнімай Нұрлыбаевна ұйымдастырды.
Бүгінгі кездесудің қонағы – өмірлік тәжірибесі мол, Алматы қалалық прокуратурасының ардагері Сейтқазиева Гүлмира Инятовна.
Сіздерге өз тәжірибесінен мысал келтіре отырып, заңға бағынудың маңызын түсіндірмек.

Профилактикалық дәрістің мақсаты – студенттер мен жастардың құқықтық сауаттылығын арттыру, заң талаптарын орындаудың маңызын түсіндіру, құқық бұзушылықтың алдын алу және азаматтық жауапкершілік сезімін қалыптастыру.

Іс-шараны Алматы сән және қызмет көрсету саласы колледжінің директоры Джунисалиев Жанболат Сманұлы ашып беріп, студенттерге ізгі тілектерін білдірді.
Дәріс барысында тыңдаушыларға Қазақстан Республикасының Конституциясы, Қылмыстық кодексі және Әкімшілік құқық бұзушылық туралы кодексінің негізгі баптары түсіндіріліп, нақты өмірлік мысалдар келтірілді.
Сондай-ақ, жастар арасында кездесетін құқық бұзушылық түрлері – ұсақ бұзақылық, кибербуллинг, әлеуметтік желідегі заңсыз әрекеттер, жол қозғалысы ережелерін бұзу мәселелері талқыланды.

Заң мен тәртіп – мемлекетіміздің берік іргетасы. Әр азамат заңды құрметтеп, тәртіп сақтағанда ғана қоғамда тұрақтылық пен әділдік орнайды.

Қоғамдағы тұрақтылық пен қауіпсіздіктің басты кепілі – заңға бағыну және қоғамдық тәртіпті сақтау. Мемлекетіміздің дамуы мен өркендеуі үшін әрбір азаматтың құқықтық мәдениеті мен жауапкершілік сезімі жоғары болуы қажет.
Осы мақсатта оқу орындарында, әсіресе жастар арасында профилактикалық дәрістердің өткізілуі ерекше маңызға ие.

Осындай дәрістер студенттердің құқықтық мәдениетін көтеріп, өз әрекетіне жауапкершілікпен қарауға тәрбиелейді.
Заң мен тәртіпті құрметтеу – әр азаматтың парызы. Ал жастардың құқықтық сауатты болуы – ел болашағының кепілі.

Қорытындылай келе, профилактикалық дәрістер қоғамда құқықтық сананы қалыптастырудың тиімді құралы болып табылады.
Әрбір жас заңды білуі, оны сақтауы және өз құқықтары мен міндеттерін түсінуі қажет.
Тәртіпті сақтау – өзіңді және өзгені қорғау. Сондықтан әрбір жас заңды құрметтеп, елдің болашағы үшін өз жауапкершілігін сезінуі тиіс.