Алматыда ірі жол апаты болды, - деп хабарлайды Аqshamnews.kz қалалық Полиция департаментінің баспасөз қызметіне сілтеме жасап.
Жол-көлік оқиғасы 14 шілдеде сағат 18:10 шамасында Алатау ауданында болған.
"Алдын ала мәлімет бойынша, МАЗ маркалы жүк көлігінің жүргізушісі Боралдай тасжолы бойымен шығыс бағытта келе жатып, тізгінге ие бола алмаған. Салдарынан ол бір бағытта қозғалып бара жатқан Mercedes-Benz және KIA көліктерімен соқтығысқан, кейін қарсы бағытқа шығып кетіп, Yutong маркалы автобус пен Subaru көлігіне соғылған", – деп хабарлады полиция.
Апат салдарынан 23 адам зардап шекті. Олардың арасында автобустың жолаушылары мен KIA көлігінің жүргізушісі бар.
Қазір жол апатына байланысты тергеу жүріп жатыр.