Алматыда жөндеу жұмыстарына байланысты Ғабдуллин көшесінің бір бөлігі уақытша жабылады, – деп хабарлайды aqshamnews.kz тілшісі.
Ғабдуллин көшесінің бір бөлігінде орташа жөндеу жұмыстарының жүргізілуіне байланысты көлік қозғалысына уақытша шектеу енгізіледі.
Осыған байланысты 5 маусым сағат 08:00-ден 6 маусым сағат 06:00-ге дейін Байзақов көшесінен Манас көшесіне дейінгі аралықта қозғалыс толықтай жабылады.
Жөндеу жүргізілетін учаскеде ескерту белгілері мен мердігер ұйым басшысының байланыс ақпараты көрсетілген ақпараттық тақта орнатылады. Осыған байланысты тұрғындардан бағытын алдын ала жоспарлауды сұраймыз.
Еске саламыз, қозғалысқа енгізілетін барлық шектеу туралы ақпарат @AlmatyJoly Telegram-арнасында, әкімдіктің әлеуметтік желілеріндегі ресми парақшаларында, сондай-ақ 2GIS және «Яндекс карталар» қосымшаларында жарияланады.