Топырақ массасы Кіші Алматы өзеніне түсіп, өзен арнасын бөгеп тастады.
450-500 текше метр топырақ сырғымасы «Жайлау» этно-кафесінің аумағына түскен, деп хабарлайды Almaty-akshamy.kz
Алматы қаласы Медеу ауданында топырақ көшкіні жүрді. 28 наурыз күні түскі сағат 15:00 шамасында Алматы қалалық төтенше жағдайлар департаментіне Медеу ауданы, «Көктөбе» ықшамауданында орналасқан «Жайлау» этно-кафесінің аумағына 450-500 текше метр топырақ сырғымасының түскені туралы ақпарат түсті.
«Топырақ массасы Кіші Алматы өзеніне түсіп, өзен арнасын бөгеп тастады. Жауын-шашын салдарынан топырақ ылғалданып кеткен. Абырой болғанда, қаза болғандар мен зардап шеккендер жоқ. Қазіргі уақытта балшық массасын тазалау жұмыстарын «Ана Жер Құрылыс» ЖШС (30 адам, 3 бірлік техника) жүргізуде. Оқиға орнына Медеу ауданы ТЖ басқармасының, «Қазселденқорғау» ММ бастығы барды», - деп хабарлады ТЖД.