Алматыда ЛРТ жобасын жүзеге асыру аясында Төле би көшесінің бір бөлігінде көлік қозғалысы уақытша шектеледі, – деп хабарлайды aqshamnews.kz тілшісі.
Атап айтқанда, 21 және 22 тамыз күндері сағат 23:00-ден 06:00-ге дейін инженерлік желілерді қайта құру жұмыстарына байланысты Наурызбай батыр көшесінен Сейфуллин даңғылына дейінгі аралықта көлік қозғалысы толығымен жабылады.
Жөндеу жұмыстары жүргізілетін учаскеде ескерту белгілері орнатылады. Тұрғындардан бағытын алдын ала жоспарлауды сұраймыз.
Еске салайық, көлік қозғалысына қойылатын шектеулерге қатысты барлық ақпарат @AlmatyJoly Telegram арнасында, Алматы әкімдігінің әлеуметтік желілерінде, сондай-ақ 2GIS және «Яндекс Карталар» сервистерінде жарияланады.