Құрылыс, өнеркәсіп және қызмет көрсету және IT-индустрия саласындағы мамандардың үлкен тапшылығы байқалады.
Сондықтан ағымдағы жылы ТжКБ саласындағы мемлекеттік тапсырыс 16 500 орынға дейін кеңейтілді, оған жергілікті бюджеттен 7,8 млрд. теңге бөлініп, студенттер жаңа мамандықтарға ие болды, деп хабарлайды Almaty-akshamy.kz
Алматы әкімі Ерболат Досаев білім беру қызметкерлерінің қатысуымен өткен тамыз конференциясында техникалық және кәсіптік білім беру жүйесін дамыту қала үшін маңызды басымдық болып табылатынын атап өтті.
"2023 жылы біз қалалық тәлімгерлік бағдарламасын енгізу арқылы дуальды білім беру механизмін қайта форматтадық. Студенттердің тәжірибе алу мақсатында әкімдік түрлі өндірістердің тәжірибелі шеберлерінің еңбегіне ақы төлеуді қаржыландыруды ұлғайтты, бұл құзыреттер мен білімді беру үшін педагогтердің ынталандыруларын арттыратыны сөзсіз. Сондай - ақ, ТжКБ дамыту үшін біз 2025 жылға дейін осы колледждердің әрқайсысы үшін жатақханалары бар 1 440 орындық жаңа стандартты 2 мемлекеттік колледж салуды жоспарлап отырмыз", - деді қала басшысы.