Жаңа жыл қарсаңында Алматы қаласының тергеу изоляторында тәрбие және әлеуметтік-психологиялық жұмыс бөлімінің қызметкерлері сотталғандар арасында ерекше көңілді мереке ұйымдастырды, – деп хабарлайды Aqshamnews.kz.
Жаңа жылдық мерекеге Ардагерлер кеңесінің төрағасы Ерғали Сағалбаев, Алматы қаласы мен Алматы облысы бойынша қоғамдық бақылау комиссиясының төрағасы Ардақ Жанәбілова құрметті қонақ ретінде қатысты.
Сотталғандар өз жасақтарын жаңа жылға сай безендіріп, әсерлі әндерімен, көңілді билерімен мерекелік кештің сәнін келтірді. Бұл мерекелік салтанатта ҚР Қылмыстық-атқару кодексінің 92-бабына сәйкес шаруашылық қызмет көрсетуге тартылған сотталғандар өздері атқарып жүрген электрик, ағаш шебері, ас таратушы, тазалықшы, сантехник сияқты мамандықтары бойынша мерекелік көріністер қойып, қонақтарға ерекше көңіл-күй сыйлады.