14-16 ақпан аралығында Алматыда семсерлесуден жасөспірімдер арасында əлем кубогі өтеді, деп хабарлайды Aqshamnews.kz
Жарысқа Азия құрлығының жəне əлемнің 14 елінен: Қытай, Үндістан, Өзбекстан, Оңтүстік Корея, Бразилия, Нигерия, Гонконг, Түркия, Израиль, Болгария, Беларусь жəне Қазақстаннан 100-ден астам спортшы қатысады.
Əлем Кубогі Қазақстан Ұлттық семсерлесу федерациясының əлемдік аренадағы беделін нығайтудың тағы бір кезеңі болмақ. 2022 жылы Алматыда алғаш рет жасөспірімдер арасындағы қылыштан əлем кубогі өтті, ол Халықаралық семсерлесу федерациясының (FIE) жоғары бағасына ие болды. 2023 жылы Қазақстанда 300-ден астам спортшының басын қосқан 23 жасқа дейінгі Азия чемпионаты өтті. Биыл Алматы тағы да жасөспірімдер арасындағы əлем кубогін өткізуге мүмкіндік алды, бірақ енді екі категория бойынша – ұлдар мен қыздар арасында. Жарыс жеке жəне командалық есепте өтеді, ал қатысушылар үшін турнир ағымдағы жылғы Азия жəне əлем чемпионаттарына дайындықтың соңғы кезеңі болады.
Жарыстың мақсаты мен міндеттері:
• Қазақстан Республикасында семсерлесуді танымал ету;
• Азия құрлығында да, бүкіл əлемде де қазақстандық семсерлесудің беделін нығайту;
• спортшылардың спорттық шеберлігін арттыру;
• жаттықтырушылар мен төрешілердің кəсіби біліктілігін арттыру.