Алматыдағы Абай алаңында Республика күніне арналған ашық аспан астындағы мерекелік концерт өтті. Іс-шараны қала әкімдігі ұйымдастырды, – деп хабарлайды aqshamnews.kz тілшісі.
Мерекелік бағдарламаға елімізге танымал өнерпаздар, дәстүрлі өнер өкілдері мен шығармашылық ұжымдар қатысты. Көрермендерге Қазақстанға, оның тарихы мен тәуелсіздігіне арналған патриоттық әндер мен музыкалық шығармалар ұсынылды.
Сахнада Талғат Күзембаев, Turar, Bayansulu, «Алашұлы», «Ұлытау» және «Арқайым» топтары, Ескендір Ибрагим, Алма Аманжолова, Еркеш Хасен, KAINAR, Айжан Нұрмағамбетова, Бақыт Шадаева, Сандуғаш Стамғазиева, Ернар Жұмабаев, Тахмина Әшімбекова, Абай Бегей, Асхат Тарғын, Өктем Алтаев, Серікбол Сайлаубек, Інжу Әнуарбек, «Алатау» дәстүрлі өнер театрының артистері, сондай-ақ «Qazaq ART» вокалдық хоры өнер көрсетті.
Концерттің әсерлі сәттерінің бірі Талғат Күзембаев пен «Qazaq ART» хорының орындауындағы «Атамекен» әні болды. Мыңдаған көрермен сүйікті әннің әуеніне қосылып, өнерпаздармен бірге шырқады.