Алматы қаласындағы жоғары оқу орындарының студенттері Қаржылық қауіпсіздік бойынша республикалық диктант-тестке белсенді қатысуда.
Аталған іс-шара азаматтардың қаржылық сауаттылығын арттыруға және алаяқтық схемалардан қорғану дағдыларын қалыптастыруға бағытталған.
Диктанттың мақсаты – азаматтарды алаяқтық схемаларға тартудың алдын алу, сондай-ақ қаржылық қауіпсіздік қағидаттары туралы танымын арттыру. Қатысушылар өз білімдерін тексеріп қана қоймай, диктанттан өткені туралы сертификат алады.
Диктант-тестке Алматы қаласының 6 мыңнан астам тұрғыны, соның ішінде жетекші ЖОО-ның студенттері қатысты. Мұндай іс-шаралар «Заң және тәртіп» қағидатын іске асыруға және жастар арасында жауапты қаржылық мінез-құлықты қалыптастыруға ықпал етпек.
Қаржылық қауіпсіздік бойынша республикалық диктант-тест 10-20 қазан аралығында Қаржылық мониторинг агенттігі «Заң мен Тәртіп» тұжырымдамасы аясында, Halyk Bank пен «AMANAT» партиясының «Қарызсыз қоғам» жобасының қолдауымен өткізуде. Диктант-тест онлайн форматта өтті. Тест сұрақтары түрлі деңгей бойынша дайындалған, сондықтан әр қатысушы өз білімін тексеріп, пайдалы ақпарат ала алады. Диктантты аяқтаған әр қатысушыға атаулы сертификат табысталады. Ең жоғары нәтижеге қысқа уақытта қол жеткізгендер Halyk Bank-тің арнайы сыйлықтарына ие болады, – деді Алматы қаласы бойынша экономикалық тергеп-тексеру департаментінің басқарма басшысы Абылай Мырзаханов.
