Кеше Алматы қаласы Білім басқармасының басшысы Сайран Сайфеденов қала колледждерінің түлектері үшін ұйымдастырылған «Profy Marathon 2025» акциясына қатысты.
Алматы құрылыс-техникалық колледжінде Қазақстан Республикасы Президенті Әкімшілігінің тапсырмаларын орындау аясында және “жұмысшы мамандар” жылының өңірлік іс-шаралар жоспарына сәйкес ірі имидждік іс-шара – «Profy Marathon 2025» өтті.
Іс-шараның басты сәттерінің бірі мегаполистің жетекші кәсіпорындарынан мемлекеттік колледждердің 20 үздік түлектеріне жеке сертификаттарды салтанатты түрде табыстау рәсімі болды. Сертификаттар студенттердің жетістіктерін мойындау ғана емес, сонымен қатар жоғары білікті мамандарға қызығушылық танытқан жұмыс берушілердің қолдауының символы болып табылады.
Бүгінгі таңда Алматы колледждері бірқатар тиімді бастамаларды белсенді түрде жүзеге асыруда, соның ішінде:
- студенттердің теориялық білімдерін өндірісте практикалық оқытумен ұштастыруға мүмкіндік беретін дуальды оқыту;
- -бизнестің нақты қажеттіліктерін ескере отырып қалыптастырылатын нысаналы мемлекеттік білім беру тапсырысы;
- түлектердің кәсіби шеберлігі мен бәсекеге қабілеттілігінің өсуін ынталандыратын WorldSkills стандарттары бойынша көп деңгейлі чемпионаттар.
Бұл үдерістерде негізгі рөл оқу процесінің толыққанды қатысушылары және түлектердің кейін жұмысқа орналасуының кепілі болатын жұмыс берушілер мен әлеуметтік серіктестерге тиесілі.
«Profy Marathon 2025» мақсаты – техникалық және кәсіптік білім беру жүйесінің беделін арттыру, сондай-ақ қоғамда заманауи, сұранысқа ие және болашағы зор жұмысшы маманның тұрақты бейнесін қалыптастыру. Іс-шара түлектердің сәтті оқиғаларын көрсетуге, олардың дайындығының жоғары деңгейін және жеке мотивациясын көрсетуге арналған.
«Profy Marathon 2025» шарасына 400-ден астам түлек, мемлекеттік органдардың, бизнес-қауымдастықтардың, қоғамдық ұйымдардың және БАҚ өкілдері қатысты. Бұл адами капиталды дамытуға және қаланың әлеуметтік-экономикалық дамуының басымдықтарын жүзеге асыруға бағытталған білім беру, мемлекет және бизнес арасында бірегей диалог алаңын құруға мүмкіндік береді.