Қырғызстан аумағында болған жер сілкінісі Алматыда сезілді, деп хабарлайды aqshamnews.kz тілшісі.
Бұл ақпаратты Ұлттық сейсмологиялық бақылаулар және зерттеулер ғылыми орталығы ұсынды. Мамандардың айтуынша, жер дүмпуі 7 маусымда сағат 08:33-те тіркелген.
"2025 жылғы 7 маусымда Астана уақытымен таңғы сағат 08:33-те сейсмикалық стансалар желісі жер сілкінісін тіркеді. Оның координаттары: 41.008 N, 75.278 E", – делінген ресми хабарламада.
Жерасты дүмпуінің эпицентрі Қырғызстан аумағында, Алматыдан оңтүстік-батысқа қарай 279 шақырым жерде орналасқан.
Төтенше жағдайлар министрлігінің дерегінше, Алматыда жер сілкінісі екі балл шамасында сезілген. Зардап шеккендер туралы мәлімет түскен жоқ.