Алматыда жалға алған мүлікті сатып жіберген ер адам анықталды.
Алматы қаласы, Әуезов ауданының полиция қызметкерлері 2 алаяқтық дерегін ашты, деп хабарлайды Almaty-akshamy.kz Polisia.kz-ке сілтеме жасап.
«Күдікті ҚР ҚК-нің 190-бабы 3-бөлігі бойынша қылмыс жасады деген күдікпен ұсталды. Ол өз кінәсін мойындады. Болжам бойынша, А. есімді азамат кез келген техниканы жалға беру туралы хабарландыруларды іздеген. Осылайша, күдікті клиенттердің бірімен Sony PlayStation ойын приставкасын жалға алуға келіскен. Оны алғаннан кейін күдікті белгісіз бағытта жасырынып қалды. Тағы бір жағдайда жоғарыда аталған ер адам Kia көлігін жалға алған. Көлікті “жалға беру” зардап шеккен тарапқа 6 млн теңгеге түсті», – дейді Әуезов аудандық полиция басқармасының бастығы Ұлан Әбілқайыр.
Жедел іздестіру іс-шаралары барысында 35 жастағы А. есімді азамат ұсталды. Қазір ол уақытша ұстау изоляторына қамауға алынды. Күдіктінің қалада бұрын жасалған осыған ұқсас қылмыстарға қатысы бар-жоғы анықталып жатыр. ҚР ҚПК-нің 201-бабы және ҚР Конституциясының нормаларына сәйкес, басқа да мәліметтер жария етуге жатпайды.