Алматының экономикасы тұрақты дамып келеді.
2025 жылдың қаңтар-мамыр айларындағы қорытындысы бойынша қысқа мерзімді экономикалық индикатор 109,5 пайыз. Өсу көрсеткішінің қарқыны барлық секторда байқалады. Бұл туралы Алматының Экономика басқармасы мәлімдеді.
Өнеркәсіп өндірісінің динамикасы көңіл көншітеді. Нақты көлем индексі 114,1%-ға жетті. Әсіресе өңдеу өнеркәсібінде к өсім деңгейі жоғары – 16,2%.
Құрылыс секторы жоғары қарқынмен дамуда: орындалған жұмыс көлемі 200,4 млрд теңгені құрады, бұл 24%-ға тең. Барлығы 1,1 млн шаршы метрден астам тұрғын үй пайдалануға берілді (+12,2%). Сонымен қатар, көппәтерлі инфрақұрылымға сұраныс артты (20%- ға өсті).
Сауда саласында да оң динамика бар: жалпы өсім 4,4%, соның ішінде бөлшек сауда – 7,9%, көтерме сауда – 3%.
Көлік пен қойма қызметі көлемі 24,4%-ға артқаны байқалады. Бұл мегаполистің логистикалық және іскерлік белсенділігінің жандануын көрсетеді. Байланыс секторы 3,3%-ға тұрақтады.
Негізгі капиталға салынған инвестициялар көлемі 28,2%-ға өсіп, 714,4 млрд теңгеге жетті. Салымның едәуір бөлігі – 557,5 млрд теңге – жеке инвесторлар есебінен қамтамасыз етілді. Бұл бизнестің қала экономикасына деген сенімін растайды.
Айналым мен сыртқы сауда өсуде. 2025 жылғы қаңтар-сәуірде сыртқы сауда айналымының көлемі (ЕАЭО елдерін есептемегенде) 7,8 млрд АҚШ долларын құрады. Экспорт 7%-ға, импорт 2,2%-ға өсті.
Алматы – еліміздің экономика, өнеркәсіп және инвестиция орталығы екенін тағы бір дәлелдеп отыр.