Полиция қайғылы оқиғаға қатысты түсініктеме берді.
Алматыда Орталық мәдениет және демалыс саябағында жас келіншек аттракционнан секіріп кетіп, көз жұмды, деп хабарлайды Almaty-akshamy.kz
Денсаулық сақтау басқармасы қайғылы оқиғаны растап, жедел жәрдем келгенге дейін жас келіншектің жан тапсырғанын атап өтті.
Полиция да қайғылы оқиғаға қатысты түсініктеме берді.
"Өз-өзіне қол жұмсау фактісі бойынша қылмыстық іс қозғалды. Оған не түрткі, сондай-ақ басқа да мән-жайлар анықталып жатыр", делінген Алматы қалалық ПД баспасөз қызметі таратқан ақпаратта.
Әлеуметтік желіде келіншектің Алматы облысы, Іле ауданындағы үйінде өз баласын тұншықтырып өлтіргені туралы ақпарат тарап жатыр.