Алматыда Төле би көшесін ұзарту жобасы аясында Әшімов көшесінің бір бөлігінде көлік қозғалысы уақытша шектеледі, – деп хабарлайды aqshamnews.kz тілшісі.
24 шілде сағат 23:00-ден 26 шілде сағат 15:00-ге дейін Құлыбеков көшесінен Машанов көшесіне дейінгі аралық көлік қозғалысы үшін толық жабылады.
Жөндеу жұмыстары жүргізілетін аумақта ескерту жол белгілері мен мердігер ұйым басшысының байланыс ақпараты көрсетілген ақпараттық тақталар орнатылады. Жүргізушілерден жол бағытын алдын ала жоспарлауды сұраймыз.
Еске салайық, көлік қозғалысына енгізілетін уақытша шектеу туралы барлық ақпарат @AlmatyJoly Telegram арнасында, әкімдіктің әлеуметтік желілеріндегі ресми парақшаларында, сондай-ақ, 2GIS және «Яндекс карталар» сервисінде жарияланып отырады.