Турнирдің басты жекпе-жектерінің бірі аса жеңіл салмақта Болат Заманбеков пен Еламан Саясатов арасындағы чемпиондық реванш болмақ, деп хабарлайды aqshamnews.kz тілшісі.
Алматы әкімдігінің қолдауымен 19 қыркүйекте Балуан Шолақ атындағы Спорт сарайында NAIZA 85 аралас жекпе-жек турнирі өтеді. Бұл туралы қалалық спорт басқармасының өкілдері айтты.
Турнирдің басты жекпе-жектерінің бірі аса жеңіл салмақта Болат Заманбеков пен Еламан Саясатов арасындағы чемпиондық реванш болмақ. Олардың NAIZA 83 турниріндегі алдыңғы кездесуі Саясатовтың дисквалификациялануымен аяқталған еді.
Сондай-ақ жеңіл салмақтағы чемпион Жансерік Жақсығұлұлы Мири Садыговқа қарсы чемпиондық атағын алғаш рет қорғайды. NAIZA 85 кардында Жұман Жұмабеков, Азат Мақсұм, Артем Тарасов және аралас жекпе-жектің өзге де өкілдері өнер көрсетеді.
Турнир қарсаңында баспасөз конференциясы, ашық жаттығу және көз арбасу рәсімдері өтеді.
БАҚ өкілдеріне арналған іс-шаралар бағдарламасы:
16 қыркүйек, 13:00 — баспасөз конференциясы, Regardal Hotel;
17 қыркүйек, 16:00 — Open Workout және Staredown, Арбат;
18 қыркүйек, 18:00 — Staredown, Арбат;
19 қыркүйек, 17:00 — NAIZA 85 турнирі, Балуан Шолақ атындағы Спорт сарайы.
Күні: 2026 жылы 19 қыркүйек
Уақыты: 17:00
Өтетін орны: Балуан Шолақ атындағы Спорт сарайы, Алматы