Ағымдағы жылдың 17 қазанында сағат 08:00-ден 15:00-ге дейін Майлин көшесі, 2 мекенжайында орналасқан Алматы қаласының халықаралық әуежайы аумағында жоспарлы антитеррорлық оқу-жаттығулар өтеді. Іс-шара барысында әуе және автокөлік қозғалысына шектеу қою қарастырылмаған.
Оқу-жаттығулардың мақсаты – көлік инфрақұрылымы нысандарында терроризм актісінің алдын алу және оны тоқтату тетіктерін жетілдіру.
Азаматтарды қауіпсіздік шараларын сақтауға және мемлекеттік органдар қызметкерлерінің заңды талаптарын орындауға шақырамыз.
Сондай-ақ ресми ақпарат көздеріне сүйеніп, жалған ақпарат таратпау қажеттігін ескертеміз.
Сонымен қатар, ҚР ӘҚбК-нің 443-бабына сәйкес, қоғамдық тәртіпті қамтамасыз етуге қатысушы адамның заңды талабына бағынбау әкімшілік жауапкершілікке әкеп соғатынын назарға саламыз.