Алматыда 9–23 тамыз аралығында Алдар Көсе көшесінің Жамақаев пен Жуков көшелерінің арасындағы бөлігінде көлік қозғалысы ішінара шектеледі. Бұл туралы қалалық Энергетика және сумен жабдықтау басқармасы хабарлады.
Уақытша шектеу Генералдық консулдық аумағынан (Әл-Фараби даңғылы, 36/14) сорғы станциясын көшіру жобасы аясында жаңа су құбыры желілерін тартуға байланысты енгізіліп отыр.
Жоба аясында ұзындығы 4 шақырым магистралды су желісі салынып, Медеу ауданы тұрғындарын тұрақты ауызсумен қамту көзделген.
Қала тұрғындарының қолайлығы үшін айналма жолдар ұйымдастырылды:
• батыс бағыттан – Жуков көшесімен,
• оңтүстіктен – Кәрібжанов көшесімен,
• шығыстан – Жамақаев көшесімен.
Маршрут кезінде уақытша шектеуді ескеруді сұраймыз. Уақытша қолайсыздық үшін кешірім сұраймыз.
Айта кетейік, көлік қозғалысы шектеуіне қатысты барлық ақпарат Almaty.kz сайтында, @AlmatyJoly Telegram-арнасында, аудан әкімдіктері мен басқармалардың әлеуметтік желілерінде, сондай-ақ «2GIS» пен «Яндекс карталар» сервистерінде жарияланған.