Аса ауыр қылмыс бүгін таңертең қаланың Бостандық ауданында орын алды.
Хабарлама сағат 08:59-да “102” пультіне келіп түсті. 1975 жылы туған Ш.есімді азамат аңшы мылтығынан оқ атқан қаскөйдің қолынан көз жұмды, деп хабарлайды Almaty-akshamy.kz Polisia.kz-ке сілтеме жасап.
«Бұл қылмыс ізі суымай ашылды. Күдікті қалада енгізілген “Ұстау” арнайы жоспар барысында Алматы қаласы, Алатау ауданы аумағында құрықталды. Қылмыстық қару тәркіленді. Кісі өлтіру себебі анықталуда», – деді Алматы қалалық полиция департаментінің басшысы Қанат Таймерденов.